LEANG DELUX Blog

ម្តាយវិស្វករថៃមកជួបកូនប្រុសនៅថ្ងៃទី២៧

leangdelux — Tue, 27 Apr 2010 12:52:38 +0000

ទីភ្នាក់ងារព័ត៌មានរបស់ថៃបានផ្សាយនៅថ្ងៃពុធម្សិលមិញថា លោកអតីតនាយករដ្ឋមន្ត្រីថៃថាក់ស៊ីន ស៊ីណាវ៉ាត់បានទាក់ទងជាមួយសម្តេចនាយករដ្ឋមន្ត្រីហ៊ុន សែនដើម្បីជជែកអំពីលទ្ធភាពនៃការសុំដោះលែងវិស្វករជនជាតិថៃលោកស៊ីវ៉ារ៉ាក់ដែលកំពុងជាប់ឃុំឃាំងពីបទចារកម្ម។ កាសែតថៃថែមទាំងនិយាយទៀតថា ប្រធានគណបក្សភឿថៃលោកឆាវាលីត យុងឆៃយុទ្ធ អាចនឹងមកកម្ពុជាដើម្បីនាំយកបុរសជនជាតិថៃលោកស៊ីវ៉ារ៉ាក់ត្រលប់ទៅប្រទេសថៃ។ កាសែតបាងកកប៉ុស្តរបស់ថៃបានដកស្រង់សំដីរបស់លោកថាក់ស៊ីនពីក្នុងទំព័រអ៊ីនថឺនែតផ្ទាល់ខ្លួនរបស់លោក (thaksinlive.com) និង Twitterដែលថា “លោកបានស្នើទៅរដ្ឋាភិបាលកម្ពុជាធ្វើយ៉ាងណាអោយវិស្វករថៃនោះទទួលបានការមើលថែសមរម្យ”។

សំរាប់លោកកុយ គួងដែលជាអ្នកនាំពាក្យក្រសួងការបរទេសកម្ពុជាវិញ ក្រសួងការបរទេសរបស់ លោក នៅមិន ទាន់បាន ទទួល សំណើរជាថ្មីណាមួយទៀតពីខាងស្ថានទូតថៃដើម្បីសុំជួបវិស្វករជនជាតិថៃលោកស៊ីវ៉ារ៉ាក់នេះទេ។ ប៉ុន្តែលោកកុយ គួងអត្ថាធិប្បាយថា ប្រសិនបើមានសំណើរជាថ្មីពីភាគីថៃ ក្រសួងការបរទេសអាចបញ្ជូនសំណើរទៅកាន់ស្ថាប័នពាក់ព័ន្ធ “ប៉ុន្តែថា តើនឹងមានការអនុញ្ញាតិ អោយមានការជួប ឬអត់យ៉ាងណានោះ គឺវាអាស្រ័យលើការពិចារណារបស់តុលាកាទៅលើការវិវត្តិនៃសំណុំរឿង”។

មេធាវីកៅ ស៊ូផាក៏បានអះអាងអោយដឹងដែរថា លោកនឹងដាក់ពាក្យស្នើទៅតុលាការរាជធានីភ្នំពេញនៅថ្ងៃសុក្រនេះ សុំអោយ កូនក្តីរបស់លោកនៅក្រៅឃុំបណ្តោះអាសន្ន។ លោកកៅ ស៊ូផាបានបញ្ជាក់ថា ការចោទ ប្រកាន់ របស់ សាលាដំបូង រាជធានី ភ្នំពេញ ទៅលើកូនក្តីរបស់លោក ដោយប្រើប្រាស់ច្បាប់ប័ណ្ណសារ មិនត្រឹមត្រូវនោះទេ។ សំរាប់លោកកៅ ស៊ូផាច្បាប់ប័ណ្ណសារមានពាក់ព័ន្ធតែ នឹងការរក្សាស្នាដៃនិពន្ធតែប៉ុណ្ណោះ។ មេធាវីរូបនេះបានបន្តទៀតថា ការចោទប្រកាន់កូនក្តីរបស់លោកថា ជាចារកម្ម ក៏មិន ត្រឹមត្រូវ ទៀត។ “កូនក្តីខ្ញុំអត់ខុសទេ។ លោកថាក់ស៊ីន គឺជាមនុស្សដែលមានទោស ដែលគេតាមចាប់ខ្លួន។ កូនក្តីខ្ញុំជាពលរដ្ឋល្អ គាត់អាចប្រាប់ដំណឹងនេះទៅអ្នកណាក៏បាន”។

លោកស៊ីវ៉ារ៉ាក់ ជោធិពង្សវិស្វករជនជាតិថៃនៅក្រុមហ៊ុនCATS ត្រូវបានតុលាការរាជធានីភ្នំពេញចោទពីបទថា បានធ្វើអោយ បែកការសម្ងាត់ពាក់ព័ន្ធនឹងសណ្តាប់ធ្នាប់សាធារណៈ តាមមាត្រា១៩នៃច្បាប់បណ្ណសា នេះបើយោងតាម ការ បញ្ជាក់ របស់លោក មេធាវី កៅ ស៊ូផា។ បើរកឃើញពិរុទ្ធភាព លោកស៊ីវ៉ារ៉ាក់អាចជាប់ទោសរវាងពី៧ ទៅ១៥ឆ្នាំ។

អាជ្ញាធរកម្ពុជាព្យួរការងារបុគ្គលិកជនជាតិថៃនៅCATSជាបណ្តោះអាសន្ន

បុគ្គលិកជនជាតិថៃជិត១០នាក់របស់ក្រុមហ៊ុនសេវាកម្មចរាចរដែនអាកាសកម្ពុជាហៅកាត់ថា CATS ត្រូវបានរដ្ឋាភិបាល កម្ពុជា ហាម មិនអោយចូលកន្លែងធ្វើការ ហើយបានបញ្ជាអោយក្រុមហ៊ុនដាក់ជំនួសបុគ្គលិកខ្មែរជាបណ្តោះអាសន្ន នេះបើតាម ការអះអាង របស់ នាយកក្រុមហ៊ុនសាជីវកម្មសាម៉ាត លោកវ៉ាតឆៃ វីឡៃឡាក់ (Watchai Wilailuck) ដែលបានថ្លែងប្រាប់កាសែតថៃបាងកកប៉ុស្ត។ ក្រុមហ៊ុនសាម៉ាតបានវិនិយោគលើក្រុមហ៊ុនCATSដែលមានតួនាទីត្រួតពិនិត្យចរាចរដែនអាកាសនៅកម្ពុជា។

មិនអាចទាក់ទងបានមន្ត្រីរដ្ឋាភិបាលកម្ពុជាដើម្បីបញ្ជាក់អំពីព័ត៌មាននៃការបណ្តេញបុគ្គលិកជនជាតិថៃជា បណ្តោះអាសន្ន ពី ក្រុមហ៊ុនសេវាកម្មចរាចរដែនអាកាសកម្ពុជានេះបានទេ។

ការបណ្តេញបុគ្គលិកជនជាតិថៃរបស់ក្រុមហ៊ុនCATS កើតមានឡើងទន្ទឹមគ្នានឹងព្រឹត្តិការណ៍នៃការបង្ហាញខ្ លួន បុរស ពីរ នាក់ ដែលម្នាក់ជាជនជាតិថៃ និងម្នាក់ទៀតជាជនជាតិកម្ពុជាកាលពីថ្ងៃពុធនៅសាលាដំបូងរាជធានីភ្នំពេញ។ បុរស ទាំងពីរ នាក់នេះ ដែល ម្នាក់ជាជនជាតិថៃ និងម្នាក់ទៀតជាជនជាតិកម្ពុជា គឺជាបុគ្គលិកក្នុងក្រុមហ៊ុនCATS ហើយបានឆ្លើយសារភាពនៅចំពោះមុខតុលាការ ក្នុងនាមជាសាក្សី ថាពួកគេពិតជាបានទទួលបញ្ជាពីបុរសវិស្វករជនជាតិថៃឈ្មោះស៊ីវ៉ារ៉ាក់ ជោធិពង្ស អោយតាមដានជើងហោះហើរ របស់លោកថាក់ស៊ីនមែន។ ស៊ីវ៉ារ៉ាក់ ជោធិពង្ស ត្រូវបានអាជ្ញាធរប្រទេសកម្ពុជាចាប់ខ្លួនកាលពីល្ងាចថ្ងៃទី១២វិច្ឆិកា ក្នុងបទសង្ស័យថា បានប្រព្រឹត្តិអំពើចារកម្ម ដោយលួចចំលងពេលវេលាជើងហោះហើររបស់លោកថាក់ស៊ីន និងសម្តេចនាយករដ្ឋមន្ត្រីហ៊ុន សែនផ្ញើទៅទី ក្រុងបាងកក៕

No Related Post

កម្ពុជាថា គ្មានការដោះលែងវិស្វករជនជាតិថៃទេ

leangdelux — Thu, 19 Nov 2009 03:49:23 +0000

បើស្តាប់ការអះអាងរបស់មន្ត្រីរដ្ឋាភិបាលកម្ពុជាវិញ គ្មានឡើយការដោះលែងបុរសជនជាតិថៃនោះ។ អ្នកនាំពាក្យក្រសួងការបរទេសកម្ពុជាលោកកុយ គួងវិញបានថ្លែងប្រាប់រស្មីកម្ពុជាកាលពីរសៀលថ្ងៃពុធម្សិលមិញថា ក្រសួងការបរទេសរបស់លោកមិនបានទទួលការទាក់ទងអ្វីថ្មីពីរដ្ឋាភិបាលក្រុងបាងកកឡើយ។ ហើយលោកក៏មិនបានទទួលព័ត៌មានពីស្ថាប័នកម្ពុជាណាមួយ”អំពីការយល់ព្រមដោះលែងបុរសជនជាតិថៃ” ដូចការផ្សាយរបស់កាសែតនោះដែរ។

លោកប្រាក់ សុខុនរដ្ឋលេខាធិការទីស្តីការគណៈរដ្ឋមន្ត្រី និងជាទីប្រឹក្សាររបស់សម្តេចនាយករដ្ឋមន្ត្រីដែលជាអ្នកទទួលបន្ទុកលើដំណើរបេសកកម្មរបស់លោកថាក់ស៊ីន នៅកម្ពុជាកាលពីសប្តាហ៍មុននោះ បានបញ្ជាក់ថា “លោកមិនបានដឹងអំពីព័ត៌មានថាតើលោកថាក់ស៊ីនបានទាក់ទងជាមួយសម្តេចនាយករដ្ឋមន្ត្រីឬក៏អត់នោះទេ”។ ទាក់ទងនឹងសំណុំរឿងរបស់វិស្វករថៃនេះ លោកប្រាក់ សុខុនថ្លែងថា៖ “រឿងនេះស្ថិតនៅក្នុងដៃតុលាការ”។

ព័ត៌មានស្តីពីការដោះលែងបុរសជនជាតិថៃនេះ បានកើតមានឡើងក្រោយពីម្តាយរបស់លោកវិស្វករជនជាតិថៃលោកស៊ីវ៉ារ៉ាក់នេះ បានថ្លែងអំពាវនាវរកលោកថាក់ស៊ីន អោយប្រើប្រាស់មិត្តភាពដែលលោកមានជាមួយសម្តេចនាយករដ្ឋមន្ត្រីហ៊ុន សែនដើម្បីស្វែងរកការដោះលែងកូនប្រុសរបស់លោកស្រី។

មិនមែនមានតែលោកអតីតនាយរដ្ឋមន្ត្រីថៃទេ រដ្ឋាភិបាលក្រុងបាងកកសព្វថ្ងៃក៏បានកំពុងប្រើប្រាស់គ្រប់មធ្យោបាយដើម្បីរកផ្លូវសុំអោយកម្ពុជាព្រមដោះលែងលោកស៊ីវ៉ារ៉ាក់ដូចគ្នា។ យោងតាមសារព័ត៌មានថៃ មន្ត្រីជាន់ខ្ពស់យោធារបស់ប្រទេសថៃ ព្រមទាំងរដ្ឋមន្ត្រីការពារប្រទេសលោក ប្រាវីត វង្សស៊ូវុនផងបានព្យាយាមទាក់ទងជាមួយរដ្ឋមន្ត្រីការពារខ្មែរលោកទា បាញ់ដើម្បីរកផ្លូវជួយវិស្វករជនជាតិថៃដែលកំពុងនៅក្នុងមន្ទីឃុំឃាំងព្រៃស។

ដកស្រង់សំដីដោយកាសែតថៃបាងកកប៉ុស្ត លោកឧបនាយករដ្ឋមន្ត្រីទា បាញ់ រដ្ឋមន្ត្រីក្រសួងការពារជាតិកម្ពុជាបានថ្លែងថា ករណីបុរសជនជាតិថៃដែលត្រូវឃុំខ្លួនដោយបទសង្ស័យពាក់ព័ន្ធនឹងអំពើចារកម្មនេះ ត្រូវដំណើរការតាមនិតិវិធីតុលាការ។ នៅក្នុងសេចក្តីរាយការណ៍របស់កាសែតបាងកកប៉ុស្ត លោកទា បាញ់បានបញ្ជាក់ថា៖”ខ្ញុំបានប្រាប់ពួកគេ(មន្ត្រីយោធាថៃ)ថា វាមិនអាចទៅរួចទេ។ អ្នកបំពានច្បាប់ត្រូវប្រឈមមុខចំពោះមុខច្បាប់។ គេត្រូវប្រឈមនឹងការស៊ើបអង្កេត”៕

No Related Post

អាប់ភីស៊ីតសង្ឃឹមថាបុរសថៃនឹងត្រូវដោះលែង កម្ពុជាថាអាស្រ័យលើតុលាការ

leangdelux — Wed, 18 Nov 2009 02:50:40 +0000

នាវិកកម្ពុជា

នាយករដ្ឋមន្ត្រីថៃលោកអាប់ភីស៊ីត វេចាជីវ៉ាបានសំដែងក្តីសង្ឃឹមថា កម្ពុជានឹងដោះលែង បុរសជនជាតិថៃស៊ីវ៉ារ៉ាក់ ជោធិពង្ស (Siwarak Chotipong) ពីព្រោះថា បើតាមការអះអាងរបស់លោកអាប់ភីស៊ីត វាគ្មានភស្តុតាងច្បាស់លាស់ដើម្បីដាក់ចោទដាក់បន្ទុកលើបុរសជនជាតិថៃស្តីអំពីការប្រព្រឹត្តិចារកម្មនោះឡើយ។ លោកអាប់ភីស៊ីតបានថ្លែងយ៉ាងដូច្នេះ ជាមួយនឹងការត្រៀមបញ្ជូនមន្ត្រីច្បាប់ពីក្រសួងយុត្តិធម៌ថៃ ដើម្បីមកជួបលោកស៊ីវ៉ារ៉ាក់នៅក្នុងមន្ទីឃុំឃាំងព្រៃស នឹងស្វែងរកការសុំដោះលែងវិស្វករជនជាតិថៃវិញ។ យោងតាមកាសែតថៃបាងកកប៉ុស្ត លោកអាប់ភីស៊ីតបានថ្លែងយ៉ាងដូច្នេះថា៖ “រដ្ឋាភិបាលបានទាក់ទងជាមួយមន្ត្រីរដ្ឋាភិបាលកម្ពុជារួចហើយ ដើម្បីចង់ដឹងអំពីបទចោទប្រកាន់ពិតប្រាកដទៅលើ(លោកស៊ីវ៉ារ៉ាក់)នោះ។ ធ្វើយ៉ាងនេះ ដើម្បីយើងអាចត្រៀមការពារគាត់តាមផ្លូវច្បាប់”។

ទន្ទឹមគ្នានេះ ម្តាយបុរសជនជាតិថៃ ក៏បានអំពាវនាវអោយអតីតនាយករដ្ឋមន្ត្រីថៃលោកថាក់ស៊ីន ធ្វើអន្តរាគមដើម្បីអោយអាជ្ញាធរកម្ពុជាដោះលែងកូនប្រុសលោកស្រីអោយមានសេរីភាពវិញ។ យោងតាមកាសែតថៃបាងកកប៉ុស្ត លោកស្រីស៊ីមម៉ារ៉ាក់ ណា ណាខន ផាណុម (Seemarak na Nakhon Phanom) ជាគ្រូបង្រៀននៅខេត្ត ណាខន រ៉ាចាសីមាបានស្រែកស្នើសុំអោយអតីតនាយករដ្ឋមន្ត្រីថៃថាក់ស៊ីន ស៊ីណាវ៉ាត់ប្រើប្រាស់មិត្តភាពដែលលោកមានជាមួយលោកនាយករដ្ឋមន្ត្រីខ្មែរហ៊ុន សែនដើម្បីជួយអោយមានការដោះលែងកូនប្រុសរបស់លោកស្រី។ កូនប្រុសរបស់លោកស្រីឈ្មោះ ស៊ីវ៉ារ៉ាក់ ជោធិពង្ស (Siwarak Chothipong) អាយុ៣១ឆ្នាំជាវិស្វករក្នុងក្រុមហ៊ុនសេវាចរាចរណ៍ដែនអាកាសនៅកម្ពុជា ត្រូវបានតុលាការកម្ពុជាបញ្ជាអោយឃុំខ្លួនពីបទសង្ស័យធ្វើចារកម្ម ដោយបានលួចផ្តល់ព័ត៌មានអំពីពេលវេលានៃជើងហោះហើររបស់លោកថាក់ស៊ីន និងលោកនាយករដ្ឋមន្ត្រីហ៊ុន សែន ទៅអោយទីក្រុងបាងកក។

តើកម្ពុជានឹងឆ្លើយ៉ាងណាប្រសិនមានសំណើរជាផ្លូវការពីទីក្រុងបាងកកសុំអោយកម្ពុជាដោះលែងជនសង្ស័យធ្វើចារកម្មរូបនេះមែននោះ? គេនៅមិនទាន់ដឹងនៅឡើយទេ។ ប៉ុន្តែសំរាប់លោកកុយ គួងអ្នកនាំពាក្យក្រសួងការបរទេសខ្មែរ “ក្នុងដំណាក់កាលនេះ សំណុំរឿងកំពុងស្ថិតនៅក្នុងដៃតុលាការកម្ពុជាដែលកំពុងធ្វើការស៊ើបអង្កេត”។

ដោយមានការយល់ព្រមពីក្រសួងបរទេស និងក្រសួងយុត្តិធម៌កម្ពុជា ភារៈធារីនៃស្ថានទូតថៃលលោកចាលុតថន ផៅវិប៊ុល (CHALOTORN PHAOVIBUL)បានចូលជួបបុរសជនជាតិថៃនៅ ក្នុងមន្ទីឃុំឃាំង កាលពីវេលាម៉ោង១០ម៣០នាទីព្រឹកថ្ងៃអង្គារ៍ម្សិលមិញ។ ហើយការចូលជួបសួរសុខទុក្ខរបស់មន្ត្រីស្ថានទូតថៃក៏អនុញ្ញាតិអោយបុរសជនជាតិថៃអាចសន្ទនាជាមួយម្តាយរបស់ខ្លួនតាមទូរស័ព្ទប្រមាណ៥នាទីផងដែរ។

យោងតាមការអះអាងរបស់ភារៈធារីនៃស្ថានទូតថៃប្រចាំកម្ពុជាដែលបានធ្វើរបាយការណ៍ទៅក្រសួងការបរទេសថៃ បុរសជនជាតិថៃដែលកំពុងជាប់ក្នុងមន្ទីឃុំឃាំងនោះមានស្មារតីល្អទេ។

បើតាមការអះអាងរបស់រដ្ឋមន្ត្រីការបរទេសថៃលោកកាស៊ីត ភិរម្យ អាជ្ញាធរថៃក៏បានត្រៀមខ្លួនរួចហើយដែរក្នុងរៀបចំដំណើរសំរាប់ម្តាយរបស់លោកស៊ីវ៉ារ៉ាក់ដែលចង់មកជួបសុខទុក្ខកូនប្រុសរបស់លោកស្រីនៅកម្ពុជានោះ៕

លាង ដឺលុច

នាយករដ្ឋមន្ត្រីថៃលោកអាប់ភីស៊ីត វេចាជីវ៉ាបានសំដែងក្តីសង្ឃឹមថា កម្ពុជានឹងដោះលែងបុរសជនជាតិថៃស៊ីវ៉ារ៉ាក់ ជោធិពង្ស (Siwarak Chotipong) ពីព្រោះថាបើតាមការអះអាងរបស់លោកអាប់ភីស៊ីត វាគ្មានភស្តុតាងច្បាស់លាស់ដើម្បីដាក់ចោទដាក់បន្ទុកលើបុរសជនជាតិថៃស្តីអំពីការប្រព្រឹត្តិចារកម្មនោះឡើយ។ លោកអាប់ភីស៊ីតបានថ្លែងយ៉ាងដូច្នេះ ជាមួយនឹងការត្រៀមបញ្ជូនមន្ត្រីច្បាប់ពីក្រសួងយុត្តិធម៌ថៃ ដើម្បីមកជួបលោកស៊ីវ៉ារ៉ាក់នៅក្នុងមន្ទីឃុំឃាំងព្រៃស នឹងស្វែងរកការសុំដោះលែងវិស្វករជនជាតិថៃវិញ។ យោងតាមកាសែតថៃបាងកកប៉ុស្ត លោកអាប់ភីស៊ីតបានថ្លែងយ៉ាងដូច្នេះថា៖ “រដ្ឋាភិបាលបានទាក់ទងជាមួយមន្ត្រីរដ្ឋាភិបាលកម្ពុជារួចហើយ ដើម្បីចង់ដឹងអំពីបទចោទប្រកាន់ពិតប្រាកដទៅលើ(លោកស៊ីវ៉ារ៉ាក់)នោះ។ ធ្វើយ៉ាងនេះ ដើម្បីយើងអាចត្រៀមការពារគាត់តាមផ្លូវច្បាប់”។

ទន្ទឹមគ្នានេះ ម្តាយបុរសជនជាតិថៃ ក៏បានអំពាវនាវអោយអតីតនាយករដ្ឋមន្ត្រីថៃលោកថាក់ស៊ីន ធ្វើអន្តរាគមដើម្បីអោយអាជ្ញាធរកម្ពុជាដោះលែងកូនប្រុសលោកស្រីអោយមានសេរីភាពវិញ។ យោងតាមកាសែតថៃបាងកកប៉ុស្ត លោកស្រីស៊ីមម៉ារ៉ាក់ ណា ណាខន ផាណុម (Seemarak na Nakhon Phanom) ជគ្រូបង្រៀននៅខេត្ត ណាខន រ៉ាចាសីមាបានស្រែកស្នើសុំអោយអតីតនាយករដ្ឋមន្ត្រីថៃថាក់ស៊ីន ស៊ីណាវ៉ាត់ប្រើប្រាស់មិត្តភាពដែលលោកមានជាមួយលោកនាយករដ្ឋមន្ត្រីខ្មែរហ៊ុន សែនដើម្បីជួយអោយមានការដោះលែងកូនប្រុសរបស់លោកស្រី។ កូនប្រុសរបស់លោកស្រីឈ្មោះ ស៊ីវ៉ារ៉ាក់ ជោធិពង្ស (Siwarak Chothipong) អាយុ៣១ឆ្នាំជាវិស្វករក្នុងក្រុមហ៊ុនសេវាចរាចរណ៍ដែនអាកាសនៅកម្ពុជា ត្រូវបានតុលាការកម្ពុជាបញ្ជាអោយឃុំខ្លួនពីបទសង្ស័យធ្វើចារកម្ម ដោយបានលួចផ្តល់ព័ត៌មានអំពីពេលវេលានៃជើងហោះហើររបស់លោកថាក់ស៊ីន និងលោកនាយករដ្ឋមន្ត្រីហ៊ុន សែន ទៅអោយទីក្រុងបាងកក។

បើតាមការអះអាងរបស់រដ្ឋមន្ត្រីការបរទេសថៃលោកកាស៊ីត ភិរម្យ អាជ្ញាធរថៃក៏បានត្រៀមខ្លួនរួចហើយដែរ ក្នុងការរៀបចំដំណើរសំរាប់ម្តាយរបស់លោកស៊ីវ៉ារ៉ាក់ដែលចង់មកជួបសុខទុក្ខកូនប្រុសរបស់លោកស្រីនៅកម្ពុជានោះ៕

លាង ដឺលុច

No Related Post

ថៃចង់ឃើញកម្ពុជាដោះលែងវិស្វករថៃ កម្ពុជាថាអាស្រ័យលើតុលាការ

leangdelux — Wed, 18 Nov 2009 02:33:39 +0000

លាង ដឺលុច

No Related Post

តំណាងស្ថានទូតថៃចូលសួរសុខទុក្ខវិស្វករថៃដែលត្រូវបានចាប់ខ្លួនពីបទចារកម្ម

leangdelux — Mon, 16 Nov 2009 12:47:18 +0000

ក្រសួងការបរទេសនិងក្រសួងយុត្តិធម៌របស់កម្ពុជាបានឯកភាពហើយ អនុញ្ញាតិអោយតំណាងស្ថានទូតថៃប្រចាំកម្ពុជាបានចូលសួរសុខទុក្ខបុរសជនជាតិថៃដែលតុលាការកម្ពុជាបានចោទប្រកាន់អំពីការធ្វើចារកម្មធ្វើអោយប៉ះពាល់ដល់សន្តិសុខជាតិ។ ស្ថានទូតថៃបានដាក់សំណើរមកក្រសួងការបរទេសកម្ពុជាកាលពីល្ងាចថ្ងៃសុក្រដើម្បីអាចចូលសួរសុខទុក្ខបុរសជនជាតិថៃនេះដែលត្រូវបានឃុំខ្លួននៅឯមន្ទីកែប្រែព្រៃស។

អ្នកនាំពាក្យក្រសួងការបរទេសខ្មែរលោកកុយ គួងបានអះអាងអោយដឹងនៅថ្ងៃចន្ទនេះថា ក្រសួងការបរទេសកម្ពុជា និងក្រសួងយុត្តិធម៌បានឯកភាពជាមួយគ្នាអនុញ្ញាតិអោយអគ្គទីប្រឹក្សាស្ថានទូតថៃលោក ចាឡុតថន ផៅវិប៊ុល (CHALOTORN PHAOVIBUL) ចូលជួបសួរសុខទុក្ខបុរសជនជាតិថៃនៅម៉ោង២រសៀលថ្ងៃចន្ទនេះ។ បុរសជនជាតិដែលត្រូវបានចាប់ឃុំខ្លួនពីបទប្រព្រឹត្តិអំពើចារកម្ម។

ការអនុញ្ញាតិអោយចូលសួរសុខទុក្ខត្រូវបានធ្វើឡើង ដោយឆ្លើយតបទៅសំណើររបស់ស្ថានទូតថៃប្រចាំកម្ពុជា។ បើតាមការបញ្ជាក់របស់លោកកុយ គួង ស្ថានទូតថៃបានធ្វើសំណើរសុំជួបបុរសជនជាតិថៃនេះកាលពីល្ងាចថ្ងៃសុក្រសប្តាហ៍មុន។ បុរសជនជាតិថៃអាយុ៣១ឆ្នាំ ឈ្មោះស៊ីវ៉ារ៉ាក់ ជោធិពង្ស (SIWARAK CHOTHIPONG) គឺជាបុគ្គលិករបស់ក្រុមហ៊ុនសេវាចរាចរណ៍អាកាសនៅកម្ពុជា ហៅកាត់ថាCATS។

ដោយសារតែមានការយឺតយូរក្នុងការផ្តល់ចំលើយអនុញ្ញាតិក្នុងរយៈពេល២ថ្ងៃដែលជាថ្ងៃឈប់សំរាកចុងសប្តាហ៍នេះ ថ្នាក់ដឹកនាំរដ្ឋាភិបាលថៃបានអន្ទះសារយ៉ាងខ្លាំង។ នាយករដ្ឋមន្ត្រីថៃលោកអាប់ភីស៊ីត វេចាជីវ៉ាបានដាក់បញ្ជាអោយក្រសួងការបរទេសថៃធ្វើទំនាក់ទំនងជាមួយកម្ពុជាដើម្បីធ្វើយ៉ាងណាអោយមន្ត្រីទូតចូលសួរសុខទុក្ខបុរសជនជាតិថៃនៅក្នុងមន្ទីឃុំឃាំងអោយបាននៅក្នុងថ្ងៃចន្ទនេះ។

កាលពីល្ងាចថ្ងៃទី១២វិច្ឆិការ បុរសជនជាតិថៃត្រូវបានអាជ្ញាធរកម្ពុជាចាប់ឃាត់ខ្លួន ដោយសង្ស័យថាបុរសនេះបានលួចចំលងផ្តល់ព័ត៌មានអំពីពេលវេលាហោះហើររបស់លោកថាក់ស៊ីន និងលោកនាយករដ្ឋមន្ត្រីហ៊ុន សែនទៅអោយរដ្ឋាភិបាលក្រុងបាងកក។ បុរសជនជាតិថៃនេះត្រូវបានតុលាការរាជធានីភ្នំពេញចេញដីការឃុំខ្លួនក្រោមបទចោទប្រកាន់ថាបានផ្តល់ព័ត៌មានធ្វើអោយប៉ះពាល់ដល់សន្តិសុខសាធារណៈ។

No Related Post

សរសេរជាខ្មែរមើលឡួយហីក៏អត់?

leangdelux — Fri, 06 Nov 2009 08:35:04 +0000

នេះជាការសាកល្បងសរសេរអត្ថបទជាភាសារខ្មែរយូនីកូដនៅលើវ៉ិបសាយផ្ទាល់ខ្លួនរបស់ខ្ញុំកាណា និយាយលេងទេ សូមអភ័យទោសផងណាអស់លោកណា!!!!

No Related Post

សួរស្តី!សាកល្បង

leangdelux — Thu, 05 Nov 2009 19:40:20 +0000

ជំរាបសួរបាទ!

ខ្ញុំបាទ លាង ដឺលុចបាទ!

សាកល្បងបញ្ចូលរូបភាព

No Related Post

LEANG DELUX Blog

ម្តាយវិស្វករថៃមកជួបកូនប្រុសនៅថ្ងៃទី២៧

Related Posts

កម្ពុជាថា គ្មានការដោះលែងវិស្វករជនជាតិថៃទេ

Related Posts

អាប់ភីស៊ីតសង្ឃឹមថាបុរសថៃនឹងត្រូវដោះលែង កម្ពុជាថាអាស្រ័យលើតុលាការ

Related Posts

ថៃចង់ឃើញកម្ពុជាដោះលែងវិស្វករថៃ កម្ពុជាថាអាស្រ័យលើតុលាការ

Related Posts

តំណាងស្ថានទូតថៃចូលសួរសុខទុក្ខវិស្វករថៃដែលត្រូវបានចាប់ខ្លួនពីបទចារកម្ម

Related Posts

សរសេរជាខ្មែរមើលឡួយហីក៏អត់?

Related Posts

សួរស្តី!សាកល្បង

Related Posts

LEANG DELUX Blog

ម្តាយ​វិស្វករ​ថៃ​មក​ជួប​កូន​ប្រុស​នៅ​ថ្ងៃ​ទី​២៧

Related Posts

កម្ពុជា​ថា គ្មាន​ការ​ដោះ​លែង​វិស្វករ​ជន​ជាតិ​ថៃ​ទេ

Related Posts

អាប់ភីស៊ីត​សង្ឃឹម​ថា​បុរស​ថៃ​នឹ​ងត្រូវ​ដោះលែង កម្ពុជា​ថា​អាស្រ័យ​លើ​តុលាការ

Related Posts

ថៃចង់ឃើញកម្ពុជាដោះលែងវិស្វករថៃ កម្ពុជាថាអាស្រ័យលើតុលាការ

Related Posts

តំណាង​ស្ថានទូតថៃ​ចូល​សួរសុខ​ទុក្ខវិស្វករថៃ​ដែលត្រូវ​បាន​ចាប់​ខ្លួនពីបទ​ចារកម្ម

Related Posts

សរសេរជាខ្មែរមើលឡួយហីក៏អត់?

Related Posts

សួរស្តី!​សាកល្បង

Related Posts

ម្តាយវិស្វករថៃមកជួបកូនប្រុសនៅថ្ងៃទី២៧

កម្ពុជាថា គ្មានការដោះលែងវិស្វករជនជាតិថៃទេ

អាប់ភីស៊ីតសង្ឃឹមថាបុរសថៃនឹងត្រូវដោះលែង កម្ពុជាថាអាស្រ័យលើតុលាការ

តំណាងស្ថានទូតថៃចូលសួរសុខទុក្ខវិស្វករថៃដែលត្រូវបានចាប់ខ្លួនពីបទចារកម្ម

សួរស្តី!សាកល្បង